Putin Qrenlandiyanın qiymətini hesablayır

Rusiya prezidenti Vladimir Putin ABŞ prezidenti Donald Trampın Qrenlandiyaya olan marağını Alyaska satışı baxımından qiymətləndirərək dedi: "Qrenlandiyanın qiyməti təxminən 200-250 milyon dollar olacaq".

Rusiya Prezidenti Vladimir Putin Rusiya Təhlükəsizlik Şurasının daimi üzvləri ilə onlayn görüşdə Qrenlandiyanın statusu və dəyəri barədə şərh verərək, Rusiyanın 19-cu əsrdə Alyaskanı satmasına istinad etdi.

Qrenlandiyadakı hadisələrin birbaşa Rusiya ilə əlaqəli olmadığını deyən Putin, buna baxmayaraq, bölgənin ölçüsünə və potensial dəyərinə əsaslanan tarixi müqayisə apardı. 1867-ci ildə ABŞ ilə baş verən prosesi xatırladan Putin dedi: "Qrenlandiyada baş verənlər bizi narahat etmir. Lakin, 19-cu əsrdə ABŞ ilə oxşar məsələləri həll etmək təcrübəmiz var".

Putin bildirib ki, "Səhv etmirəmsə, Alyaskanın sahəsi təxminən 1.717.000 kvadrat kilometrdir, bəlkə də bir az daha çox. ABŞ bizdən Alyaskanı 7.2 milyon ABŞ dollarına alıb. Bugünkü qiymətlərlə və bütün bu onilliklər ərzində inflyasiyanı nəzərə alsaq, bu məbləğ təxminən 158 milyon dollar olardı. Qrenlandiyanın sahəsi bir qədər böyükdür; təxminən 2.166.000 kvadrat kilometr, bəlkə də bir az daha çox. Bu, təxminən 450.000 kvadrat kilometr fərq deməkdir. Beləliklə, bunu ABŞ-ın Alyaskanı alma xərci ilə müqayisə etsək, Qrenlandiyanın qiyməti təxminən 200-250 milyon dollar olardı".