18.03.2021 Problemli Banklar

1 1

“Kommersant.az” xəbər verir ki, “15%-lə hər kəsə nağd kredit” deyə çağırış edən bank bir neçə qanunu heçə sayıb. Belə ki, ilkin olaraq müştərilərinə dolğun məlumat verməyən bankın 15% effektiv faiz dərəcəsi kimi hesablaması birbaşa məlumatların içində qeyd olunmayıb. Yəni, bank 15% dən başqa komissiya haqqları və digər xərclərini də müştəridən tutacaq. Bununla da bankın verdiyi kreditin Faktiki İllik Faiz Dərəcəsi (FİFD) daha da çox olacaq. Bu arada onu da qeyd edək ki, bankın effektiv faiz dərəcəsi 15% -dən başlayır. Yəni, hər kəsə deməsinə baxmayaraq faizin müəyyənləşəsi bankın kredit mütəxəssisindən aslıdır.

Bankın konsultantının saytımıza verdiyi məlumata görə, 15%-lə çağırılan müştərinin faiz məsələsinə bankdakı mütəxəssislər qərar verir. Yəni, hər kəsə 15%-lə kredit çağırışı da yalan oldu. Reklam haqqında qanunun 33.4.1. maddəsinə görə kreditin ümumi xərcinə daxil olan istənilən xərclər, o cümlədən illik faiz dərəcəsi, faktiki illik faiz dərəcəsinin hesablanmasına qanunvericiliyə müvafiq qaydada daxil olan digər xərclər aydın şəkildə oxuna bilən ölçülərdə yayımlanmalıdır. Bu qanunu isə biz president.az saytına istinadən bildiririk. Beləliklə bankın kredit kampaniyası müştəriləri arasında çaşqınlıq yaradır.