Hüquqi şəxslər dövlət bankından qaçıb

“Azərbaycan Beynəlxalq Bankı” öhdəliklər cəmini 829 milyon 924 min manat və ya 7.9 faiz azaldaraq 9 milyard 693 milyon 513 min manata endirib. Bu azalmanın əsas səbəbi depozit portfelinin ötən ilin 2-ci rübü ilə müqayisədə 595 milyon 517 min manat və ya 6.5 faiz azalaraq 8 milyard 524 milyon 966 min manata düşüb.

Kommersant.az xəbər verir ki, bankın fiziki şəxslərdən topladığı əmanətlər 329 milyon 677 min manat artaraq 2 milyard 19 milyon 179 min manata yüksəlib. Amma hüquqi şəxslər bankdakı əmanətlərinin 12.45 faizini geri götürüblər. Nəticədə bankın hüquqi şəxslərdən topladığı depozitlərin həcmi ötən ilin müvafiq rübü ilə müqayisədə 925 milyon 193 min manat azalaraq 6 milyard 505 milyon 787 min manata enib. Hüquqi şəxslərin vəsaitlərini geri çəkməsi bankın öhdəliklərində 8%-ə yaxın azalmaya səbəb olub. Bu azalmanın 35 faizinin qarşısını isə fiziki şəxslərin əmanətlərinin artması alıb.

azərbaycan beynəlxalq bankı Bank cəmi öhdəliklər

Odar Gani

Xəbərin müəllifi

Facebok Twitter LinkedIn

Əvvəlki
“Azərbaycan Beynəlxalq Bankı”nın aktivlər cəmi 2.4% azalıb - HESABAT
Sonrakı
“Azərbaycan Beynəlxalq Bankı”nın cəmi kapitalı artıb

Digər xəbərlər

22.04.2024 Problemli Banklar