“Bank of Baku” (qısaca - BOB) 2023-cü ilin 3-cü rübündə xalis mənfəətini 6 milyon 457 min manat və ya 21 faiz azaldaraq 24 milyon 317 min manata düşüb.
Kommersant.az xəbər verir ki, “Bank of Baku”nun (qısaca - BOB) aktivlər cəmi 115 milyon 298 min manat artaraq 816 milyon 529 min manata yüksəlib. Bu artımda 56.8 faizi müştərilərə verilən kreditlərin payına düşüb. Belə ki, bankın müştərilərinə verdiyi kreditlər 65 milyon 551 min manat artaraq 643 milyon 85 min manata çatıb. Bu artımda istehlak kreditləri 54 milyon 283 min manat artaraq 452 milyon 386 min manata, biznes kreditləri 3 milyon 85 min manat artaraq 157 milyon 760 min manata, daşınmaz əmlak kreditləri isə 8 milyon 213 min manat artaraq 32 milyon 938 min manata yüksəlib. BOB mümkün zərərlər üçün yaradılan məqsədli ehtiyatını 70 min manat azaldaraq 62 milyon 928 min manata endirib. Nəticədə bankın xalis kreditləri 580 milyon 157 min manat olub ki, bu da ötən ilin sonu ilə müqayisədə 65 milyon 622 min manat çoxdur.
ŞIRKƏTLƏR “BANK OF BAKU”YA ÜZ ÇEVİRDİ
“Bank of Baku”nun (qısaca - BOB) öhdəliklər cəmi ötən ilin sonu ilə müqayisədə 100 milyon 340 min manat və ya 17.34 faiz artaraq 678 milyon 710 min manata çatıb. Bu artımın 85.95 faizi depozit portfelinin payına düşüb.
BOB-un fiziki şəxslərdən topladığı əmanətlər 93 milyon 466 min manat artaraq 423 milyon 485 min manata yüksəlib. Buna baxmayaraq şirkətlər bankdakı əmanətlərini 7 milyon 218 min manat və ya 20.32 faiz azalaraq 28 milyon 295 min manaata enib.
“Bank of Baku”nun cəmi kapitalı 137 milyon 818 min manat olub ki, bu da ötən ilin sonu ilə müqayisədə 14 milyon 958 min manat və ya 12.17 faiz çoxdur. Səhmdar kapitalını dəyişdirməyən BOB bölüşdürülməmiş mənfəəti 14 milyon 524 min manat artaraq 75 milyon 734 min manata yüksəlib. Bank ümumi ehtiyatlarını isə 434 min manat artıraraq 9 milyon 214 min manata çatıb.
Qeyd edək ki, BOB-un məcmu kapitalı ötən ilin yekunu ilə müqayisədə 11 milyon 804 min manat və ya 9.25 faiz artaraq 139 milyon 410 min manata bərabərləşib.
Bank of Baku
2023 (III Rüb)
2022 (IV Rüb)
Fərq
Cəmi Aktivlər
816,529
701.231
115,298
Kredit
643,085
577.534
65,551
İstehlak kreditləri
452,386
398.103
54,283
Biznes kreditləri
157,760
154.675
3,085
Daşınmaz əmlak kreditləri
32,938
24.725
8,213
Mümkün zərərlər üçün yaradılan məqsədli ehtiyat
62,928
62.998
-70
Xalis Kreditlər
580,157
514.535
65,622
Cəmi Öhdəliklər
678,710
578.370
100,340
Depozit
451,780
365.532
86,248
Fiziki şəxslərin depozitləri
423,485
330.019
93,466
Hüquqi şəxslərin depozitləri
28,295
35.513
-7,218
Cəmi Kapital
137,818
122.860
14,958
Səhmdar kapitalı
52,870
52.870
0
Səhmin qiymətinin dəyişməsindən gəlir (zərər)
-
-
-
Bölüşdürülməmiş mənfəət
75,734
61.210
14,524
Ümumi ehtiyatlar
9,214
8.780
434
Məcmu Kapital
139,410
127.606
11,804
BOB-un faiz gəliri 22 milyon 794 min manat artaraq 94 milyon 116 min manata, faiz xərcləri isə 13 milyon 922 min manat artaraq 29 milyon 339 min manata çatıb. Buna görə də bankın xalis faiz gəliri 64 milyon 776 min manat olub ki, bu da ötən ilin müvafiq dövrü ilə müqayisədə 8 milyon 871 min manat çoxdur.
Qeyri-faiz gəliri 875 min manat artaraq 9 milyon 617 min manata, qeyri-faiz xərcləri isə 11 milyon 913 min manat artaraq 50 milyon 225 min manata bərabərləşib. Nəticədə bank 24 milyon 168 min manat əməliyyat mənfəəti əldə edib. Amma bank mümkün zərərlər üçün yaradılan məqsədli ehtiyatına 9 milyon 383 min manat ayırdığına görə əməliyyat mənfəəti 14 milyon 785 min manata düşüb ki, bu da ötən ilin analoji dövrü ilə müqayisədə 334 min manat çoxdur.
“BANK OF BAKU”NUN GƏLİRLİYİ AZALIB
Bankın aktivlərinin gəlirliyi (ROA) ötən ilin eyni rübü ilə müqayisədə 1.42 faiz azalaraq 2.97 faizə, kapitalının gəlirliyi isə (ROE) 7.4 faiz azalaraq 17.64 faizə enib.