“ExpressBank”ın öhdəliklər cəmi ötən ilin son rübü ilə müqyisədə 63 milyon 291 min manat və ya 20.56 faiz artaraq 371 milyon 112 min manat olub.
Kommersant.az xəbər verir ki, bu artımda depozit portfelinin payı cəmi 1 milyon manat olub. Belə ki, bankın depozit portfeli cəmi 1 milyon 19 min manat artaraq 194 milyon 126 min manata yüksəlib.
“ExpressBank”ın fiziki şəxslərdən topladığı əmanətlərin həcmi 4 milyon 604 min manat və ya 3.04 faiz azalaraq 146 milyon 634 min manata düşüb. Amma hüquqi şəxslərin əmanətləri 5 milyon 622 min manat artaraq 47 milyon 292 min manata çatıb.