19.10.2023 Problemli Banklar

0 0

Kommersant.az xəbər verir ki, “ExpressBank”ın cəmi aktivləri ötən ilin son rübü ilə müqayisədə 61 milyon 533 min manat artaraq 498 milyon 489 min manata çatıb. Bu artımda ən böyük pay kredit portfelinin üstünə düşüb. Belə ki, müştərilərə verilən kreditlər 63 milyon 226 min manat artaraq 360 milyon 310 min manata çatıb. Bu portfeldə istehlak kreditləri 25 milyon 971 min manat artaraq 185 milyon 340 min manata, biznes kreditləri isə 7 milyon 127 min manat artaraq 102 milyon 972 min manata, ipoteka kreditləri isə 30 milyon 128 min manat artaraq 71 milyon 998 min manata bərabərləşib.

Mümkün zərərlər üçün yaradılan məqsədli ehtiyatını 571 min manat azaldaraq 4 milyon 885 min manata endirən “ExpressBank”ın xalis kreditləri 355 milyon 425 min manat olub.

“ExpressBank”ın öhdəliklər cəmi ötən ilin son rübü ilə müqyisədə 63 milyon 291 min manat və ya 20.56 faiz artaraq 371 milyon 112 min manat olub. Bu artımda depozit portfelinin payı cəmi 1 milyon manat olub. Belə ki, bankın depozit portfeli cəmi 1 milyon 19 min manat artaraq 194 milyon 126 min manata yüksəlib.

“ExpressBank”ın fiziki şəxslərdən topladığı əmanətlərin həcmi 4 milyon 604 min manat və ya 3.04 faiz azalaraq 146 milyon 634 min manata düşüb. Amma hüquqi şəxslərin əmanətləri 5 milyon 622 min manat artaraq 47 milyon 292 min manata çatıb.

“ExpressBank”ın kapital cəmi ötən ilin sonu ilə müqayisədə 1 milyon 75 min manat və ya 1.36 faiz azalaraq 127 milyon 377 min manata düşüb.

Ümumi ehtiyatlarını 684 min manat artıraraq 4 milyon 865 min manata yüksəltsə də bu da kapital cəmini azalmadan xilas edə bilməyib. Çünki “ExpressBank”ın bölüşdürülməmiş mənfəəti 2 milyon 441 min manat və ya 19.6 faiz azalaraq 9 milyon 968 min manata düşüb.

Bankın faiz gəliri ötən ilin eyni rübü ilə müqayisədə 6 milyon 594 min manat artaraq 42 milyon 218 min manata, faiz xərcləri isə 4 milyon 87 min manat artaraq 11 milyon 346 min manata bərabərləşib. Buna görə də bankın xalis faiz gəliri 30 milyon 872 min manat olub ki, bu da ötən ilin sonu ilə müqayisədə 2 milyon 507 min manat və ya 8.83 faiz çoxdur.

“ExpressBank”ın qeyri-faiz gəliri 398 min manat artaraq 14 milyon 3 min manata, qeyri-faiz xərcləri isə 2 milyon 584 min manat artaraq 31 milyon 418 min manata yüksəlib. Nəticədə bank 13 milyon 457 min manat əməliyyat mənfəəti əldə edib ki, bu da ötən ilin analoji dövrü ilə müqayisədə 322 min manat və ya 2.45 faiz çoxdur.

Mümkün zərərlər üçün yaradılan məqsədli ehtiyatını 1 milyon 16 min manat edən “ExpressBank”ın xalis mənfəəti 1 milyon 268 min manat və ya 11.28 faiz azalaraq 9 milyon 967 min manat təşkil edib.

Qeyd edək ki, bankın aktivlərinin gəlirliyi (ROA) 0.57 faiz azalaraq 2 faizə, kapitalının gəlirliyi (ROE) isə 0.88 faiz azalaraq 7.82 faizə düşüb.