“TuranBank”ın biznesmenlerə verdiyi kreditlər 17 milyondan çox artıb

“TuranBank” 2023-cü ilk yarısında cəmi aktivlərini 109 milyon 166 min manat və ya 13.3 faiz artıraraq 929 milyon 987 min manata yüksəldib. Bankın aktivlər cəminin artmasında 42 milyon 286 min manatlıq və ya 38 faizlik artımla nağd pul vəsaitləri və ekvivalentləri, o cümlədən bloklaşdırılmış nağd vəsaitlərin, 61 milyon 620 min manat və ya 85.5 faizlik artımla banklar və digər maliyyə institutlarındakı depozitlərin payı olub.

Kommersant.az bankın maliyyə hesabatına istinadən xəbər verir ki, “TuranBank”ın kredit portfeli 27 milyon 27 min manat artaraq 575 milyon 522 min manata yüksəlib. Bu artımda əsas artım bankın verdiyi biznes kreditlərinin payına düşüb. Belə ki, “TuranBank”ın biznes kreditləri 17 milyon 22 min manat və ya 5.4 faiz artaraq 330 milyon 877 min manata çatıb. Bankın verdiyi istehlak kreditləri isə 3 milyon 446 min manat artaraq 142 milyon 239 min manata, daşınmaz əmlak kreditləri isə 6 milyon 557 min manat artaraq 102 milyon 405 min manata bərabər olub.

“TuranBank” mümkün zərərlər üçün yaradılan məqsədli ehtiyatını 14 milyon 967 min amant artıraraq 20 milyon 34 min manata yüksəltdiyi üçün xalis kreditləri 555 milyon 488 min manat olub. Bu da ötən ilin sonu ilə müqayisədə 12 milyon 65 min manat və ya 2.22 faiz çoxdur.

turan bank Bank cəmi aktivlər

Odar Gani

Xəbərin müəllifi

Facebok Twitter LinkedIn

Əvvəlki
“Rabitəbank”ın altı aylıq vəziyyəti məlum oldu - HESABAT
Sonrakı
Şavkat Mirziyoyev Türkmənistana səfər edəcək

Digər xəbərlər

16.05.2025 Sərfəli Banklar