“TuranBank”ın aktivləri artıb

“TuranBank” 2025-ci ilin sonuna olan hesabatını açıqlayıb. Bankın cəmi aktivləri 2024- cü ilin sonu ilə müqayisədə 57 milyon 349 min manat və ya 6.74 faiz artaraq 907 milyon 176 min manata çatıb. Bu artımda əsas pay bankın müştərilərinə verdiyi kreditlərin payına düşüb.

Kommersant.az bankın maliyyə hesabatına istinadən xəbər verir ki, “TuranBank”ın müştərilərinə verdiyi istehlak kreditləri 60 milyon 837 min manat artaraq 217 milyon 142 min manata yüksəlib. Biznes kreditlərinin həcmini 13 milyon 126 min manat azaldaraq 352 milyon 938 min manata endirən bankın verdiyi ipoteka kreditləri 6 milyon 510 min manat artaraq 135 milyon 972 min manata bərabər olub. Buna görə də “TuranBank”ın müştərilərini verdiyi kreditlər 54 milyon 222 min manat və ya 8.31 faiz artaraq 706 milyon 53 min manat olub. Mümkün zərərlər üçün yaradılan məqsədli ehtiyatını 3 milyon 15 min manat azaltdığı üçün bankın xalis kreditləri 674 milyon 846 min manat təşkil edib. Bu da 2024-cü ilin yekun rübü ilə müqayisədə 57 milyon 338 min manat və ya 9.28 faiz çoxdur.

Qeyd edək ki, “TuranBank”ın nağd pul və bloklaşdırılmış nağd vəsaitlərinin həcmini 10 milyon 783 min manat artıraraq 107 milyon 718 min manat edib.

TuranBank	2025 (IV Rüb)	2024 (IV Rüb)	Fərq
Cəmi Aktivlər	907.176	849.827	57.349
Nağd və bloklaşdırılmış vəsait	107.718	96.935	10.783
Kredit	706.053	651.831	54.222
İstehlak kreditləri	217.142	156.305	60.837
Biznes kreditləri	352.938	366.064	-13.126
Daşınmaz əmlak kreditləri	135.972	129.462	6.510
Mümkün zərərlər üçün yaradılan məqsədli ehtiyat	31.207	34.222	-3.015
Xalis Kreditlər	674.846	617.508	57.338

turan bank Bank cəmi aktivlər

Jalə Allahverdiyeva

Xəbərin müəllifi

Facebok Twitter LinkedIn

Əvvəlki
1 gün ərzində 500-ə yaxın sığorta hadisəsi qeydə alınıb
Sonrakı
Jeff Bezos Kosmosda Nəhəng Peyk Şəbəkəsi Quracaq

Digər xəbərlər

21.01.2026 Sərfəli Banklar