"Hibrid avtomobillər üçün gömrük rüsumları dəyişə bilər"

29.03.2019 Nəqliyyat
Azərbaycana gətirilən hibrid və digər ekoloji təmiz avtomobillərin idxal rüsumlarına gələn ilin dövlət büdcəsi zərfində yenidən baxılacaq.

"Kommersant.az" xəbər verir ki, bunu açıqlamasında Dövlət Gömrük Komitəsinin sədri Səfər Mehdiyev deyib.

Onun sözlərinə görə, bu il bu məsələ ilə bağlı hər hansı güzəşt gözlənilmir. "Növbəti ilin büdcəsində tariflərin, güzəştlərin və hansı mallara rüsumların artırılması məsələsinə baxılacaq", - deyə o, qeyd edib.

Xatırladaq ki, Prezident İlham Əliyevin tapşırığı ilə bu il yanvarın 1-dən Azərbaycana idxal olunan elektrikli avtomobillərə yalnız 15%-lik əlavə dəyər vergisi (ƏDV) tətbiq edilir.

Report