Lirə “ucuzlaşan” dollara qarşı ucuzlaşır

03.11.2021 Dünya
Azərbaycanın əsas ticarət tərəfdaşlarından biri olan Türkiyənin milli valyutası yenidən zəiflədi. Türkiyədə inflyasiya göstəricilərinin artımı xəbəri “ucuzlaşan” dollar qarşısında ucuzlaşdırır.

“Kommersant.az” xəbər verir ki, Artıq Türkiyədə 1 ABŞ dolları 9.7116 lirəyə qədər bahalaşıb.

Bu da günlük dolların lirə qarşısında 11 kuruş, yaxud 1.13% ucuzlaşması deməkdir.

Türkiyə Mərkəzi Bankının Pul komitəsi son iclasında faiz dərəcəsini gözlənilmədən 2% azaltması ardından USD/TRY məzənnəsi 9.30 səviyyələrindən 9.65 səviyyələrinə qədər yüksəldi.

Türkiyədə son açıqlamaya görə, oktyabr ayında aylıq inflyasiya 2.39% və illik inflyasiya isə 19.89% səviyyəsinə çatıb. Öncəki ayda illik inflyasiya 19.58% idi. İlin sonuna inflyasiyanın 20%-i ötəcəyi gözlənilir.

ABŞ dollarının indeksi son saatlarda 6 əsas valyuta qarşısındakı indeksi 94.037 bənddir. Bu da 0.04% azalma deməkdir. Azalma FED-in iclasından öncə baş verir. Əlavə olaraq ABŞ-ın 10 illik dövlət istiqrazlarının gəlirliliyi 1.52%-ə qədər geriləyib.