“Nokia” bazara 5 kameralı telefon çıxarır

08.09.2018 Maliyyə
Yeni nəsil kameralar.

“Kommersant.az” xəbər verir ki, texnologiyanın sürətlə inkişaf etdiyi dövrdə hər ötən gün yeniliklə qarşılaşırıq. Bu dəfə isə xəbər “Nokia”dan gəldi. Belə ki, bir vaxtların məşhur telefon brendi olan şirkət bazara yenidən səs-küylü giriş etmək niyyətindədir.

Yenilik isə ondean ibarətdir ki, “Nokia” yeni istehsal edəcəyi smartfonda 5 kameradan istifadə edəcək. Hələ ki, ictimaiyyətə rəsmi açıqlama verilməsə də, fərziyyələrə görə “Nokia”nın çəkim funksiyasına “Apple”, “Samsung” kimi nəhənglərin smartfonlarının kameralarında tətbiq etdiyi portret, genişbucaqlı çəkimdən əlavə fərqli funksiyaların tətbiq olunacağı gözlənilir.