USD1,7000
EUR1,8634
GBP2,1133
RUB0,0208

Mərkəzi Bankdan yeni qərar - DAHA AZ MANAT CƏLB EDƏCƏK

31.05.2019 Bank
0 0
Depozit hərracına tələbin artdığı bir dövrdə Mərkəzi Bank cəlb edəcəyi vəsiti azaldıb.
"Kommersant.az" xəbər verir ki, Mərkəzi Bank vəsaitlərin cəlb edilməsi üzrə növbəti depozit hərracının 03 iyun 2019-cu il tarixində keçiriləcəyini bəyan edib. Hərrac vasitəsilə 100 milyon manatın cəlb edilməsi nəzərdə tutulur. Qeyd edək ki, Mərkəzi Bank tərəfindən son hərraclarda 150 milyon manat cəlb edilirdi. İlin əvvəlində isə məbləğ 300-350 milyon manat təşkil edirdi. Mərkəzi Bank uçot dərəcəsini, faiz dəhlizinin aşağı və yuxarı hədlərini aşağı salmaqla bərabər, depozit hərracında cəlb etdiyi məbləği də azaldır. Bu pul siyasətinin daha da yumuşaldılmasıdır. 03 iyun 2019-cu il tarixində keçiriləcək hərrac üzrə müddət 14 gün, faiz dərəcəsi 6,76% - 8,74% aralığındadır. Qeyd edək ki, son depozit və not hərraclarda tələb təklifi dəfələrlə üstələyir. Banklar izafi manat vəsaitlərini depozit hərraclarında və notlarda yerləşdirmək istəyirlər. Artıq asan pul qazanmaq dövrü başa çatır. İndi Mərkəzi Bank kommersiya banklarını məcbur edir ki, manat vəsaitlərini iqtisadiyyata yönəltsinlər. Belə ki, 27.05.2019-cu il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 838,6 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,76% təşkil etmişdir. Mərkəzi Bank elan etdiyi şəkildə 150 milyon manat cəlb edib. Beləliklə, hərracda tələb təklifi 5,6 dəfə üstələyib. 20.05.2019-cu il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 763,2 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,76% təşkil etmişdi. Mərkəzi Bank 150 milyon manat cəlb edəcəyini açıqladığından bu məbləği də cəlb etmişdi. 13.05.2019-cu il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 739,3 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,76% təşkil etmişdi. Mərkəzi Bank 150 milyon manat cəlb edəcəyini açıqlamış və bu məbləği də cəlb etmişdi. 06.05.2019-cu il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 633,9 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,76% təşkil etmişdi. Mərkəzi Bank 150 milyon manat cəlb edəcəyini açıqlamış və bu məbləği də cəlb etmişdi. Marja.az