“Azər-Türk Bank”ın kredit portfeli sərfəli kredit şərtlərilə artıb

25.01.2022 Bank
Sərfəli şərtlər ilə kredit təklif edən banklardan biri olan “Azər-Türk Bank” ASC tərəfindən müştərilərə verilmiş kreditlər kəskin artıb.

“Azər-Türk Bank”ın kredit portfeli (müştərilərə verilmiş kreditlər) 2020-ci illə müqayisədə 2021-ci ildə 66 milyon 233 min manat artaraq 233 milyon 592 min manata çatıb. Bank 2020-ci ilin sonunda Bank 167 milyon 359 min manat kredit portfelinə malik idi.

Dövlət bankı maliyyə göstəricilərini açıqladı
Dövlət bankı maliyyə göstəricilərini açıqladı
Ötən il Bankın istehlak kreditləri portfeli 35 milyon 429 min manat artaraq 77 milyon 672 min manata, biznes kreditləri portfeli 7 milyon 106 min manat artaraq 45 milyon 939 min manata, daşınmaz əmlak (ipoteka) kreditləri portfeli isə 23 milyon 697 min manat artaraq 109 milyon 981 min manata yüksəlib.

Qeyd edək ki, “Azər-Türk Bank” istehlak kreditlərini 14%-dən başlayan illik faiz dərəcələrilə təklif edir.