13.02.2023 Bank

20 0

Kommersant.az xəbər verir ki, bankların açıqladığı maliyyə hesabatına görə, Azərbaycanda fəaliyyət göstərən 25 bankdan 21-i xalis kreditlərini artırsa da, 4 bank bu vəzifənin öhdəsindən gələ bilməyib.

XALİS KREDİTİ AZALANLAR

“Azərbaycan Sənaye Bankı” aktivlərini və öhdəliklərini cəminə görə olan renkinqdəki kimi xalis kreditlər üzrə renkinqdə də azalma göstərib. Bankın xalis kreditləri 2021-ci ilin son rübü ilə müqayisədə 1 milyon 523 min manat və ya 0.6% azalaraq 236 milyon 88 min manata enib.

Qeyd edək ki, yerli banklar arasında tək azalma sənayeçilərin bankında olub. Digər azalma müşahidə olunan iki bank isə İran və Rusiya qardaşlarının bankıdır.

Rusların bankı xalis kreditlərini 2021-ci ilin analoji dövrü ilə müqayisədə 14 milyon 360 min manat və ya 9.4% azaldaraq 137 milyon 713 min manata düşürüb. Bu millətə özünü qardaş bilən farsların dövlət bankı “Bank Melli İran”ın Azərbaycan filialı da 2022-ci ili xalis kreditlərini 378 min manat və ya 3.8% azaldaraq 9 milyon 466 min manatda yekunlayıb.

KORPORATİV BANKLAR

Korporativ banklar arasında faiz nisbətinə görə kredit portfelini ən çox artıran bank “AzərTürk Bank” olub. Dövlət bankının xalis kreditləri 39.7% və ya 89 milyon 796 min manat artaraq 315 milyon 923 min manata yüksəlib.

“Bank BTB” isə kredit portfelini ən az artıran korporativ bank kimi adını siyahıya yazdırıb. Bakının Ticarət Bankı sözügedən portfelini 149 min manat və ya 0.06% artıraraq 251 milyon 203 min manata bərabərləşdirib.

RETAİL BANKLAR

RETAİL banklar arasında kredit portfelini ən çox artıran “Bank of Baku” olub. BOB komandası sözügedən portfelini 2021-ci ilin son rübü ilə müqayisədə 170 milyon 29 min manat və ya 49.3% artıraraq 514 milyon 535 min manata çatdırıb. Bununla da Bakının Bankı başına tac qoyaraq lider kürsüsünə əyləşib.

RETAİL banklar arasında xalis kreditlərini ən az artıran bank isə “ExpressBank” olub. Bankın xalis kreditləri 2021-ci ilin sonu ilə müqayisədə 41 milyon 72 min manat və ya 16.4% artaraq 291 milyon 628 min manata yüksəlib. Adı üstündə olan "Sürətli" Bank"ın xalis kreditləri onu RETAİL banklar arasında gecikdirərək siyahıda ən alt sırada qərarlaşdırıb.