.png)
"Banklarımızın ümidi xarici təşkilatlara qalıb" - AÇIQLAMA
Kommersant.az xəbər verir ki, bəzi banklar əmanət faizlərinə tətbiq olunacaq vergini öz öhdəliyinə götürür. Bu da bankın əldə etdiyi əmanət üçün daha çox faiz ödəməsi deməkdir. Çünki, banklar müştərisindən aldığı əmanətin 5%-i məcburi olaraq AMB kassasına həvalə edir. Bankların beynəlxalq təşkilatlardan əldə etdiyi faizlər 10% civarındadır. Bu da banklarımızın xarici təşkilatlara ümidlənməsinə gətirib çıxara bilər.
Məsələ ilə bağlı iqtisadçı-ekspert Samir Əliyevin də fikirlərini öyrəndik. Onun sözlərinə görə, beynəlxalq təşkilatlardan kredit cəlb etmək asan deyil:
"Beynəlxalq təşkilatlardan 10% cəlb etmək üçün onların şərtlərinə cavab vemək lazımdır. İnsanlardan əmanət almaq beynəlxalq təşkilatlardan kredit almaqdan daha rahatdır. Onlar bir sıra hallarda struktur islahatları, audit hesabatlığı, maliyyə hesabatlığı bu tipli tələblər irəli sürürlər. Ona görə də onlardan kredit almaq daha çətindir".
S.Əliyev həmçinin qeyd edib ki, Azərbaycandakı böyük bankların büdcəyə çıxışı var:
"Onların ucuz resurs əllərindədir. Amma kiçik bankların resursa ehtiyacı var. Depozit faizlərini yüksək cəlb edən bankların isə maliyyə problemi, resurs cəlb etmə problemləri mövcuddur. Bunun özü də bir kriteriyadır".
Digər xəbərlər
