Ən çox istehlak krediti verən banklar

Ən çox istehlak krediti verən banklar - SİYAHI

Ən böyük dörd (4) korporativ banklarımız arasında 2023-cü ilin 1-rübünə olan istehlak kreditlərinin 2022-ci ilin eyni rübü ilə olan müqayisəsini siyahıya aldıq. Dörd (4) bank arasıda bir (1) bank sözügedən kreditini azaldıb.

Kommersant.az bankların maliyyə hesabatına istinadən xəbər verir ki, “Xalq Bank”ın istehlak kreditləri 2022-ci ilin 1-ci rübü ilə müqayisədə 1 milyon 919 min manat və ya 0,88 faiz azalaraq 215 milyon 496 min manata düşüb. Buna görə “Xalq Bank” ən az istehlak krediti verən bank olub.

Ən çox istehlak krediti isə “Kapital Bank”ın olub. O, 1 milyard 833 milyon 220 min manatlıq istehlak krediti ilə adını lider olaraq siyahının başına yazdıra bilib. Sözügedən kredit 2022-ci ilin ilk rübü ilə müqayisədə 118 milyon 367 min manat və ya 6,9 faiz çoxdur.

“Azərbaycan Beynəlxalq Bankı” (qısaca – ABB) isə istehlak kreditlərini ən çox artıran bank olub. Dövlət bankının istehlak kreditləri 216 milyon 59 min manat və ya 25,98 faiz artaraq 1 milyard 47 milyon 592 min manata çatıb.

Bankın Adı	2023 (I Rüb)	2022 (I Rüb)	Fərq
ABB	1.047,592	831,533	216,059
Paşa Bank	270,063	187,080	82,983
Kapital Bank	1.833,220	1.714,853	118,367
Xalq Bank	215,496	217,415	-1,919