12 sığorta şirkəti yarımillik maliyyə hesabatını açıqlamayıb

12 sığorta şirkəti yarımillik maliyyə hesabatını açıqlamayıb - SİYAHI

Azərbaycanda fəaliyyət göstərən 22 sığorta şirkətindən 12-si bu ilin I yarısının yekunlarına dair maliyyə hesabatını açıqlamayıb.

"Kommersant.az" xəbər verir ki, bu, "Report”un araşdırması nəticəsində məlum olub.

Həmin şirkətlər "A-Qrup Sığorta”, "Atəşgah Həyat Sığorta”, "Atəşgah Sığorta”, "Azərbaycan Sənaye Sığorta”, "Azsığorta”, "Naxçıvan Sığorta”, "PAŞA Həyat Sığorta”, "PAŞA Sığorta”, "Qala Sığorta", "Xalq Həyat Sığorta", "Xalq Sığorta” ASC-lər, eləcə də Azərbaycan Dövlət Sığorta Kommersiya Şirkətidir ("Azərsığorta”).

Xatırladaq ki, bunlardan "Naxçıvan Sığorta” həm də 2018-ci ilin yekunlarına dair maliyyə hesabatı verməyib.

Qalan 10 sığorta şirkəti – "Amrah Sığorta”, "Ata Sığorta”, "AXA Mbask”, "Bakı Sığorta”, "Günay Sığorta”, "İpək Yolu Sığorta”, "Meqa Sığorta”, "Qala Həyat Sığorta", "Rəvan Sığorta” və "Standard Insurance” ASC-lər isə 2019-cu ilin yanvar-iyun aylarının yekunları barədə ictimaiyyəti məlumatlandırıb. Bunlardan 9-u yarımili mənfəətlə, 1-i isə zərərlə başa vurub.

№	Sığorta şirkətləri	Yarımillik mənfəət / zərər (milyon manat)
1	Meqa Sığorta	2,283
2	Qala Həyat Sığorta	1,229
3	İpək Yolu Sığorta	1,143
4	Atasığorta	1,113
5	Rəvan Sığorta	0,445
6	Günay Sığorta	0,439
7	Standard Insurance	0,283
8	Amrah Sığorta	0,141
9	Bakı Sığorta	0,022
10	AXA Mbask	- 0,177