Brent markalı neft 75 dollara qalxdı

29.07.2021 İqtisadiyyat
Neftin qiyməti ABŞ-da yanacaq ehtiyatlarının azalması xəbəri fonunda yüksəlməyə davam edir.

“Kommersant.az” xəbər verir ki, iyulun 29-da səhər Brent markası 0,35% bahalaşaraq 75 dollar/barelə yüksəlib. WTI markalı neftin qiyməti 0,39% artaraq 72,67 dollar/barelə çatıb.

ABŞ Energetika Nazirliyi daha əvvəl ölkədəki neft ehtiyatlarının keçən həftə 4,1 milyon barel azaldığını bildirmişdi. Eyni zamanda, 2020-ci ilin yanvarından bəri bu hədd minimuma çatıb. Bazar iştirakçıları bunun yanacağa artan tələbatdan qaynaqlandığını düşünür.

Mütəxəssislər dünyanın neft ehtiyatlarının 2021-ci ilin sonuna qədər azalacağını hesab edirlər. Eyni zamanda, koronavirusun yayılması hələ də bazara öz təsirini göstərəcək.