Avropada qazın qiyməti yenə bahalaşdı

19.08.2022 İqtisadiyyat
London Birjasının məlumatlarına əsasən, Avropada qazın qiyməti 1000 kubmetr üçün təxminən 2500 dollar təşkil edib.

"Kommersant.az" xəbər verir ki, gün ərzində qazın qiymətində ümumi artım demək olar ki, 6% təşkil edib.

Pik zamanı qazın qiyməti 2532 dollara çatıb.

Bu həftənin əvvəlində Londonun ICE birjasında ticarət zamanı Avropada qazın spot qiyməti 1000 kubmetr üçün 2600 dolları ötüb.

Öz növbəsində, “Qazprom” qışda Avropada qazın qiymətinin 1000 kubmetr üçün 4000 dollardan yuxarı qalxa biləcəyini istisna etməyib.