Daha 1404 arıçıya subsidiya veriləcək

07.12.2018 İqtisadiyyat
Kənd Təsərrüfatı Nazirliyində arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə subsidiyanın verilməsi üzrə Respublika Komissiyasının sədri, kənd təsərrüfatı nazirinin müavini İlham Quliyevin sədrliyi ilə arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə subsidiyanın ödənilməsinin təmin edilməsi üzrə Respublika Komissiyasının növbəti iclası keçirilib.

"Kommersant.az" Trend-ə istinadən xəbər verir ki, iclasda 13 rayon komissiyasından daxil olmuş sənədlərə baxılıb, 1 404 arıçıya saxladıqları 37 393 arı ailəsinə (pətəyə) görə dövlət büdcəsinin vəsaiti hesabına hər arı ailəsinə (pətəyə) 10 (on) manat hesabı ilə cəmi 373 930 manat məbləğində subsidiyanın verilməsi barədə qərarlar qəbul edilib.