SOCAR rəhbərliyinə ödənilən kompensasiyalar 1,2 milyon manatı ötüb

2017-ci ildə SOCAR-ın prezidenti və 12 vitse-prezidenti, ümumilikdə 1 milyon 153 min manat məbləğində kompensasiya alıb.

SOCAR-ın 2017-ci il üzrə konsolidə olunmuş maliyyə hesabatında bildirilir ki, 2016-cı ildə bu rəqəm 717 min manat təşkil edib. Beləliklə, il ərzində SOCAR rəhbərliyinə verilən kompensasiyanın məbləği 60,8% və ya 436 min manat artıb.

Sənədə əsasən, şirkətin prezidenti və 12 vitse-prezidenti SOCAR-ın digər törəmələrinin Direktorlar Şurasında təmsil olunduqlarına görə kompensasiya alırlar.

Qeyd edək ki, SOCAR-ın prezidenti Rövnəq Abdullayevdir. Xoşbəxt Yusifzadə şirkətin birinci vitse-prezidentidir. Şirkətin prezidenti və vitse-prezidentləri ölkə başçısı İlham Əliyev tərəfindən təyin olunur. Rəhbərlikdə təmsil olunan şəxslər həm maaş, həm də premiyalar alır. Bundan başqa, şirkətin müəyyən strukturlarında Direktorlar Şurasının üzvü kimi onlara kompensasiya ödənilir.

APA

Kommersant.az

Xəbərin müəllifi

Facebok Twitter LinkedIn

Əvvəlki
Bakıda ilk dəfə aeronaviqasiya sammiti keçiriləcək
Sonrakı
Sabaha olan hava proqnozu açıqlandı

Digər xəbərlər

09.07.2025 İqtisadiyyat