.jpg)
.jpg)
.png)
.jpg)
Bu günədək 265 min qaçqın və məcburi köçkünün mənzil-məişət şəraiti yaxşılaşdırılıb
20.06.2018
İqtisadiyyat
0
0
"Qaçqın və məcburi köçkünlər üçün indiyə kimi 3,3 milyon kvadrat metr yaşayış sahəsi olan 98 müasir qəsəbə və çoxmərtəbəli binalardan ibarət yaşayış kompleksi salınıb. Bu günədək 52 min ailə, yaxud 265 min nəfərin mənzil-məişət şəraiti yaxşılaşdırılıb".
Bunu "Hüquq bərabərliyinin təmin olunmasında və təşviqində milli insan hüquqları təsisatlarının rolu" mövzusunda keçirilən Ombudsmanların XV Bakı Beynəlxalq Konfransının plenar iclasında Qaçqın və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov bildirib.
Onun sözlərinə görə, qaçqın və məcburi köçkünlərin mənzil-məişət şəraitinin yaxşılaşdırılmasına 2,4 milyard manat vəsait sərf olunub: "Bu vəsaitin 2,1 milyardı Dövlət Neft Fondunun vəsaitidir".
F. Hüseynov qeyd edib ki, son 25 ildə qaçqın və məcburi köçkünlərin problemlərinin həlli üçün isə 6,6 milyard manat vəsait sərf edilib.
APA
Digər xəbərlər
