Bu üzümçülər məhsul yığımını başa çatdırıblar

05.11.2020 İqtisadiyyat
Şamaxıda üzüm yığımı başa çatıb. Plantasiyalardan 12 min 645 ton məhsul yığılıb ki, bu da ötənilki göstəricidən 2336 ton çoxdur.

Rayon icra hakimiyyətindən verilən məlumatda bildirilir ki, Şamaxıda son illər üzümçülük sürətlə inkişaf etdirilir. Artıq plantasiyaların sahəsi 1808 hektara çatdırılıb. Bunun 1637 hektarı məhsuldardır. Rayonda daha çox üzüm bağları olan "Az-Qranata", "RMZ’’ və "Şirvan şərabları" MMC-lər, habelə Sabir, Şəhriyar, Mədrəsə qəsəbələri, Meysəri, Mirikənd, Çarhan ərazi dairələri məhsul istehsalında fərqləniblər. Yığılan texniki sort üzüm emal müəssisələrinə göndərilib. Yetişdirilən süfrə üzümü isə birbaşa bazarlara çıxarılıb. (azertac)

  • Əvvəlki

    Bağlanmış son 4 bank üzrə kompensasiyaların ödənilməsi başa çatır

Digər xəbərlər