300 texnologiya şefi Böyük Britaniyanın Baş nazirinə xəbərdarlıq edib

SVB-nin dağılmasından sonra İngiltərə gərgin vəziyyətdədir. Baş nazir Sunak maliyyə naziri Hunt ilə görüşüb. 300 İngilis texnologiya şirkətinin sahibi hökumətə xəbərdarlıq edib: "SVB-də pulumuz qalsa, sənaye 20 il geriyə gedəcək."

ABŞ-ın iki bankının ardıcıl müflisləşməsi Avropada, ilk olaraq Böyük Britaniyada səs-küy yaratdı. Ayıq-sayıq olan Britaniya hökuməti təcili iclas keçirib. Baş nazir Rishi Sunak maliyyə naziri Ceremi Hant və Mərkəzi Bankın (BoE) sədri Endryu Beyli ilə böhran iclası təşkil olunub.

Görüşdən sonra Sunak, SVB-nin iflasının İngiltərə bank sistemi üçün "sistematik yoluxma riski" olmadığını bildirib. Baş nazir qısa bəyanatından sonra ABŞ prezidenti Co Baydenlə görüşmək üçün Vaşinqtona uçub. Bankların çökməsi İngiltərədəki 300 texnoloji firmanın müdirlərini də səfərbər edib.

HSBC SVB-nin Böyük Britaniyadakı törəmə şirkətini alır

Çox keçmədən, BoE tərəflərin Silikon Vadisi Bankının Böyük Britaniyadakı törəməsi olan SVBUK-u HSBC tərəfindən 1 funt sterlinqə almağa razılaşdıqlarını açıqladı.

Bəyanatda Britaniya banklarının yaxşı kapitallaşdırıldığı, bank sisteminin geniş etimad və sağlam olduğu, İngiltərə Bankı, Britaniya Xəzinədarlığı və ölkədəki nəzarət qurumlarının razılaşmanın əldə olunmasında rolu olduğu vurğulanıb.

"Bu [müqavilə] müştərilərin əmanətlərinin qorunmasını və normal bank işinin vergi ödəyicisinin dəstəyi olmadan həyata keçirilə biləcəyini təmin edir", - deyə açıqlama verildi. Xoşbəxtliyini ifadə edən Hunt, “HSBC Avropanın ən böyük bankıdır" cümləsini işlədib.