07.04.2023 İqtisadiyyat

0 0

Kommersant.az xəbər verir ki, lüks brendlərin tabe olduğu şirkət, Louis Vuitton-Möet Hennessy (LVMH) sahibi Arnault 211 milyard dollarlıq şəxsi sərvəti ilə İlon Maskı Amerika biznes jurnalı Forbes-in Milyarderlər Siyahısının zirvəsindən aşağı salıb. Arnaultun hekayəsi hər kəsi təəccübləndirir: O, 5 mart 1949-cu ildə Fransanın Belçika sərhədinə yaxın Rubaix şəhərində anadan olub.

Atası qayınatasından miras qalan tikinti şirkətinin sahibi idi. Piano dərsləri ilə dəbdəbəli uşaqlıq illəri keçirib. “Dior” brendinin pərəstişkarı olan anası “Diorissimo” brendinin ətirindən istifadə edirdi.

Ecole Polytechnique-i bitirdikdən sonra atasının tikinti şirkətinə mühəndis kimi daxil olub. 25 yaşında 1000 işçisi olan şirkətin rəhbərliyinə keçib.

Hələ 35 yaşı olmayan Arnault, 1 fransız frankı (16 sent), borcları və 80 milyon dollarlıq investisiya vədi ilə Fransız şirkəti Boussac-ı alıb. Əslində hədəf Boussac deyil, o zaman şirkətin ölməkdə olan lüks markası olan Dior idi! Arno uşaqlıqdan tanıdığı Diorun Nyu-Yorkda əhəmiyyətini bir daha anladı: “1970-ci illərdə mindiyim taksinin sürücüsünə “Fransa haqqında nə bilirsən?” deyə soruşdum. O, prezidenti tanımırdı, amma Dioru tanıyırdı”.

Sonra Arnault Diordan başqa Boussacın bütün markalarını sataraq 500 milyon dollar gəlir əldə etdi.

Dövrün fransız aristokratiyasında da mühüm inkişaflar baş verirdi. 1854-cü ildə qurulan Louis Vuitton, 1980-ci illərin sonunda 1 milyard dollar dövriyyəyə sahib idi. Başqa bir lüks brend Möet Chandon da Hennessy ailəsi ilə birləşdi və yeni şirkət 1 milyard dollarlıq dövriyyəyə sahib oldu. Vuitton, Möet, Chandon və Hennessy Ailələri birləşməyə qərar verdi və LVMH ortaya çıxdı.

Lakin qısa müddətdə şirkət daxilində rəhbərlik davası başlayanda Diorun sahibi Arnault üçün günəş doğdu. Arnault 1,5 milyard dollara 25 faiz pay aldığı LVMH-ə girdi. Sonra da öz təbirincə desək, “hər fürsətdən istifadə edərək” payını 3-5, 3-5 artıraraq majoritar səhmdar oldu.

Bu gün Arnaultun LVMH şirkəti dünyaca məşhur 75 lüks brendin sahibi olan nəhəng bir şirkətdir. “Mən həmişə bir nömrəli olmağı sevmişəm” deyən Arnaultun qohumları onun iş həyatının sirlərini belə ifadə edir: “O, "yox" deyilməyinə nifrət edir! Hər şənbə səhəri o, brendlərinin mağazalarını gəzir. Özünün və başqalarının şirkət səhmlərinin hesabını aparır və qeydlər aparır".

“Lüksun atası” LVMH-ni əsl ailə biznesinə çevirdi.

Yanvar ayından onun qızı Delfin Diorun yeni baş direktorudur. Oğlu Antuan gələcəkdə hər şeyi öz üzərinə götürmək üçün LVMH-nin bütün səviyyələrində “staj keçir”. Digər qardaşlar Alexandre Tiffany, Frederic TAG Heuer, Jean Louis Vuitton saatların başındadır.