12.05.2023 İqtisadiyyat

4 27

Bu sözləri Pravda.az-a açıqlamasında Milli Məclisin deputatı Tahir Kərimli deyib.

““Azərişıq”, yaxud “Azərenerji”yə hansısa irad tutmaq hüquqi baxımdan yersiz görünər. Çünki kredit borcunu verən də, silən də dövlətdir. Hər bir təşkilat arzulayır ki, borcları silinsin. Həmişə bunun üçün mübarizə aparırlar. Borcun silinməsi vətəndaşların xeyrinədirsə, bunu alqışlayır, müsbət qiymətləndirirəm. Amma çalışmaq lazımdır ki, təşkilatlar heç vaxt bu qədər kredit borcuna girməsinlər, çünki ödəmək çətin olur, üst-üstə toplanır. Gücləri çatan qədər borc götürsünlər. İndi Azərbaycanda təbii qazla yanaşı “Azərenerji” və işıq perspektivləri çox güclüdür. Artıq həm yanacaqla, həm təbii resurslarla, günəş-küləklə işləyən elektrostansiyalar qurulur. Hətta artıq hissə enerji xaricə satılacaq. Yəni bu sahədə müəyyən rentabellik yaranır. Hesab edirəm, gələcəkdə bu sahədə işləyən Azərbaycan vətəndaşları qazanacaqlar, əməkhaqqı alıb işləyəcəklər, həm də ödənilən puldan yanacağa qənaət olunacaq. Azərbaycanın xeyrinə istifadə ediləcək, həyat şəraiti yaxşılaşacaq. Doğrudan da, bu sahədə Səudiyyə Ərəbistanı, digər dövlətlərin bizə maraqları güclüdür. Azərbaycanın iştirakı olmadan özləri investisiya qoyurlar, bizim üçün enerjiyaratma mənbələri yaradırlar. Təbii ki, “Azərişıq” həmin təşkilatlarla müqavilə, yaxud dövlət bölgüsü əsasında fəaliyyət göstərib, öz Əsasnaməsində nəzərdə tutulan abonentlərin yüksək keyfiyyətli enerji ilə təmin edilməsi ilə məşğul ola bilər. Buna inanmaq istərdim”, - deputat bildirib.