Dollar ucuzlaşır - Manatı nə gözləyir?
Kommersant.az xəbər verir ki, bu sözləri bank məslələri üzrə ekspert Əkrəm Həsənov dolların ucuzlaşmasının manata göstərə biləcəyi təsir haqqında danışarkən deyib.
İqtisadçı bildirib ki, Azərbaycan manatı dollara birbaşa bağlı valyuta deyil:
“Yəni bu qanunla belədir. Lakin biz bilirik ki, Mərkəzi Bank manatı dollara bağlayıb.
2017-ci ildən bu yana bizim manatın dollara nisbətdə məzənnəsi 1.70-dir və dünyada nə baş verirsə versin, dəyişmir.
Dollar dünyadakı digər valyutalara nisbətəndə bahalaşanda Azərbaycan manatı da dollara nisbətdə bahalaşır və ya əksinə olur”.
Əkrəm Həsənov bildirib ki, dolların indi ucuzlaşması hələ heç nə demək deyil:
“Dolların ucuzlaşıb bahalaşması dünyadakı iqtisadi, siyasi, sosial proseslərdən asılıdır. Ona görə bununla bağlı əvvəldən proqnoz vermək olmur.
Bizə dolların ucuzlaşmasının mənfi təsiri də var. Əgər dollar ucuzlaşırsa, bizim manatda ucuzlaşır. Biz də Avropadan nəsə alırıqsa, bu bahalaşır. Çünki avro bahalaşmış olur. Biz avro almaq üçün daha çox pul xərcləməli oluruq.
Bu o deməkdir ki, həmin müddət ərzində digər ölkələrdən alınan mal və xidmətlərin qiymtəi bizim üçün bahalaşır.
Biz də xaricə nəsə satanda dollarla satırıq. Ona görə də bunun bizim ixrac etdiyimizi məhsulların qiymətinə təsiri yoxdur”.
Digər xəbərlər
