Asiya fond bazarlarında qarışıq tendensiya

Həftənin üçüncü ticarət günündə Asiya-Sakit Okean bazarları əsasən Cənubi Koreya fond bazarının liderliyi ilə bahalaşıb.

ABŞ Federal Ehtiyat Sisteminin (FED) rəsmilərinin pul siyasətinin yumşaldılması lehinə açıqlamaları və investorların faiz dərəcələri ilə bağlı gözləntilərini aşağı salmasından sonra dollar ucuzlaşarkən, Asiya birjaları yüksəlib.

ABŞ-da sabah açıqlanacaq istehlak inflyasiyası məlumatları yaxından izləniləcək. Yaponiya xaricində Asiya-Sakit Okean fond bazarlarını izləyən MSCI indeksi 1,33%, Yaponiyanın Nikkei indeksi isə 0,68% artıb. Atlanta Fed-in sədri Raphael Bostic, Amerika Bankçılar Assosiasiyasında etdiyi çıxışda, "Əslində, daha faiz dərəcələrini artırmağa ehtiyac görmürəm" deyib.

Bosticin dünənki açıqlamasından əvvəl bəzi Fed rəsmiləri uzunmüddətli istiqraz faizlərindəki artımların maliyyə şərtlərinin sərtləşdirilməsinə və inflyasiyanın azaldılmasına kömək edə biləcəyinə və beləliklə də mərkəzi bankın daha az iş görməsinə səbəb ola biləcəyinə diqqət çəkmişdilər.

Narmin Gani

Xəbərin müəllifi

Facebok Twitter LinkedIn

Əvvəlki
ABŞ-da Powerball cekpotu 1,7 milyard dolları keçib
Sonrakı
ABŞ Kosovo polisinə 7 pilotsuz təyyarə verib

Digər xəbərlər

08.07.2025 İqtisadiyyat