16.01.2024 İqtisadiyyat

0 0

Nüfuzlu analitik Ming-Chi Ko iPhone 15 Pro Max-ı Apple-ın ən çox satılan smartfonu adlandırdı. Bu barədə Appleinsider xəbər verir.

Mütəxəssisin sözlərinə görə, Amerika brendinin ən bahalı flaqman telefonu bazarda ən populyar iPhone olaraq qalır. Ming-Chi Ko bu qənaətə “Apple” üçün telefoto linzalar təqdim edən “Largan”ın fəaliyyətini təhlil etdikdən sonra gəlib.

Ko, 15 Pro Max-in 2024-cü ilin birinci yarısına qədər bazarda ən populyar Apple smartfonu olaraq qalacağını söylədi. Ekspertin fikrincə, model bütün yeni iPhone-ların satışlarının təxminən 40-45 faizini təşkil edəcək. Ming-Chi Ko Tayvan firmasının ABŞ-dakı tərəfdaşından asılılığını da qeyd edərək bildirib ki, təkcə ilin birinci yarısında iPhone 15 Pro Max üçün linzalar Larganın gəlirini 108,8 milyon dollar artıraraq 121,7 milyon dollara çatdıracaq.

Nəşrin jurnalistləri xatırladıblar ki, ən bahalı Apple smartfonu ABŞ-da 1199 dollara satılır. Müqayisə üçün qeyd edək ki, iPhone 15-in təqdimat modelinin qiyməti 799 dollardır.

Bundan əvvəl Bloomberg insayderləri bildirmişdilər ki, 2024-cü ildə “Apple” əsas diqqəti daşınan qurğuların istehsalına yönəldəcək. Şirkət Vision Pro AR qulaqlıqlarını və AirPods 4 qulaqlıqlarının bir neçə versiyasını təqdim edəcək.