Avropada saatlıq əmək xərcləri artdı
27.03.2024
İqtisadiyyat
0
0
Avropa İttifaqında (Aİ) saatlıq əmək haqqı keçən il 5,3 faiz artaraq 31,8 avroya çatıb.
Avropa Statistika İdarəsi (Eurostat) 2023-cü ildə Aİ ölkələrində saatlıq əmək xərclərinə dair məlumatlarını dərc edib.
Məlumata görə, Avrozonada saatlıq əmək haqqı keçən il 2022-ci ilə nisbətən 4,8 faiz artıb. Aİ-nin 27 üzv ölkəsində saatbaşı əmək haqqı keçən il əvvəlki ilə nisbətən 5,3 faiz artıb.
Beləliklə, 2023-cü ildə orta saatlıq əmək haqqı Aİ-də 31,8 avro, Avrozonada isə 35,6 avro müəyyən edilib.
Ötən il Aİ ölkələri arasında saatlıq əmək haqqı 9 avro ilə 53,9 avro arasında dəyişib.
Aİ ölkələri arasında ən yüksək əmək haqqı 53,9 avro ilə Lüksemburqda olub. Danimarkada saatlıq əmək haqqı 48,1 avro, Belçikada 47,1 avro təşkil edib.
Digər xəbərlər
