ABŞ-ın texnologiya şirkəti “Microsoft”un Birləşmiş Ərəb Əmirliklərində (BƏƏ) yerləşən “G42” süni intellekt şirkətinə 1,5 milyard dollar sərmayə qoyacağı bildirilir.
Microsoft-un verdiyi açıqlamaya görə, şirkət 1,5 milyard dollarlıq investisiya ilə G42-də azlıq payına sahib olacaq.
Razılaşmanın bir hissəsi olaraq Microsoft-un prezidenti Bred Smit G42-nin direktorlar şurasında oturacaq. G42 müştərilərinə, xüsusən də ictimaiyyətə qabaqcıl süni intellekt həlləri təqdim etmək üçün Microsoft-un bulud hesablama platforması Azure-da tətbiq və xidmətlərini işlədəcək.
Microsoft və G42 Yaxın Şərq, Mərkəzi Asiya və Afrika ölkələrinə qabaqcıl süni intellekt və rəqəmsal infrastruktur gətirmək üçün birlikdə çalışacaq. Bundan əlavə, iki şirkət BƏƏ-də süni intellekt bacarıqlarını artırmaq üçün tərtibatçılar üçün 1 milyard dollarlıq fondun yaradılmasını dəstəkləyəcək.
Artıq ChatGPT tərtibatçısı OpenAI ilə əməkdaşlıq edən G42 bulud hesablamalarından tutmuş sürücüsüz avtomobillərə qədər tətbiqlər üçün süni intellekt inkişaf etdirir.