.jpg)
Gənclər və idman naziri Fərid Qayıbov Azərbaycan Sığortaçılar Assosiasiyası ilə görüşdü
ASA-dan verilən məlumata görə, görüşdə İcraçı direktor Elmar Mirsalayev sığorta sektorunda görülən işlər, həyata keçirilən islahatlar və əldə olunan nailiyyətlər haqqında məlumat verib. Gənclərin və peşəkar idmançıların sığortaya cəlb olunması və onların sığorta ilə bağlı məlumatlılıq səviyyələrinin artırılması məqsədilə ASA tərəfindən həyata keçirilməsi nəzərdə tutulan “Sığortalı gənclik – Sığortalı gələcək” layihəsi barədə danışıb. Həmçinin ümumrespublika səviyyəsini əhatə edəcək bu layihə ilə gənclərdə sığortaya marağın artırılması və sığorta vərdişlərinin yaradılmasının mümkün olacağı qeyd olunub.
Görüş zamanı gənclərə və peşəkar idmançılara ünvanlı “Sığortalı gənclik – Sığortalı gələcək” layihəsinin reallaşdırılması ilə bağlı ilkin razılıq əldə olunub.
Digər xəbərlər
Rusiya məhkəməsi JPMorgan-ın aktivlərinə və Commerzbank səhmlərinə həbs qoyub
Microsoft süni intellektə milyard dollarlıq sərmayə qoymağı planlaşdırır
