İranın liman partlayışına dəyən ziyan 5 milyard dollara başa gəlib

Aprelin 26-da İranın Bəndər-Abbas şəhərində güclü partlayışın baş verdiyi Şəhid Rəcai limanına dəyən ziyanın 3-5 milyard dollar arasında olduğu bildirilir.

İranın rəsmi xəbər agentliyi İRNA-nın məlumatına görə, İnformasiya Texnologiyaları Təşkilatının rəhbəri Məhəmməd Möhsün Sədr Tehranda keçirilən “Rəqəmsal iqtisadiyyatın inkişafında 5G-AIOT tənzimlənməsinin rolu” adlı tədbirin açılışında çıxış edib:

"Kobud desək, Şəhid Rəcai Limanında baş verən partlayış 3 milyard dollardan 5 milyard dollara qədər itkiyə səbəb olub. Bununla belə, yeni texnologiya və məlumatların istifadəsi ilə bu cür problemlərin qarşısı asanlıqla alına bilərdi".

2 nəfər saxlanılıb

Digər tərəfdən, Ədliyyə Baş Hakimi Qulam Hüseyn Muhsin Ejei hadisə ilə bağlı iki nəfərin nəzarətə alındığını bildirib.

Ali Məhkəmə Şurasının iclasında çıxış edən Ejei, hadisədə günah və səhlənkarlıq olduğu təsbit edilən şəxslər haqqında dərhal tədbir görülməsinə göstəriş verdiyinə diqqət çəkərək, "Bəzi şəxslər haqqında araşdırmalar aparıldı. İndiyə qədər 2 nəfər nəzarətə alındı" deyib.

Ejei qeyd edib ki, insidentdə zədələnən 2600 avtomobil üçün təzminat ödənilməyə başlanıb.