Neft qiymətləri istiqamət axtarır: Trampın bəyanatları bazarı qarışdırır
Beynəlxalq bazarlarda Brent markalı neftin bir barreli 60,69 dollara satılıb. Cümə günü 61,31 dollara çatan Brent markalı neftin bir barelinin qiyməti günü 61,21 dollarla bağladı.
Bu gün saat 09:31-ə olan məlumata görə, Brent markalı neftin bir barelinin qiyməti 0,8 faiz azalaraq 60,69 dollar olub. Eyni zamanda West Texas Intermediate markalı xam neftin bir barreli 56,67 dollara satılırdı.
Qiymətlərin azalmasına qlobal tədarük çoxluğu ilə bağlı narahatlıqlar, eləcə də iqtisadi yavaşlama və zəif enerji tələbi ilə bağlı narahatlıqları artıran ABŞ-Çin ticarət gərginliyinin artması səbəb olub.
Tramp Çindən geri çəkilir
ABŞ prezidenti Donald Tramp ötən həftə verdiyi müsahibədə Çinə tətbiq edəcəyi 100% tariflərin “davamsız” olduğunu bildirərək, “Çinlə yaxşı münasibətdə olacağıq, lakin ədalətli bir razılaşma əldə etməliyik” demişdi.
Ağ Evdə çıxış edən Tramp bir neçə həftə ərzində Çin Dövlət Başçısı Şi Cinpinlə görüşəcəyini bildirərək, "Düşünürəm ki, hər iki tərəf üçün xeyirli olacaq bir razılaşma əldə edəcəyik" dedi. Trampın barışdırıcı açıqlamaları qiymətlərə məhdud dəstək versə də, iki ölkə arasında davam edən gərginlik bazarlarda qeyri-müəyyənliyi artıraraq neft qiymətlərinə təzyiq etməkdə davam edir.
Digər xəbərlər
