Rusiyanın neft və təbii qaz gəlirləri iki dəfə azalıb

Rusiya Maliyyə Nazirliyi bildirib ki, yanvar ayında neft və təbii qaz gəlirləri ötən ilin eyni ayı ilə müqayisədə 50,1 faiz azalaraq 393 milyard rubla (təxminən 5 milyard dollar) düşüb.

Nazirliyin açıqlamasında neft qiymətlərinin düşməsi və rublun xarici valyutalara nisbətən bahalaşmasının ölkənin enerji ixracı gəlirlərinin azalmasına səbəb olduğu bildirilir.

Bəyanatda neft və təbii qazdan əldə edilən gəlir itkisinin planlaşdırılandan daha çox olduğu, yanvar ayında gəlirlərin ötən ilin eyni ayı ilə müqayisədə 50,1 faiz azalaraq 393 milyard rubla çatdığı qeyd olunur.

Qərb ölkələri Rusiyanın neft və təbii qaz sektoruna qarşı hərtərəfli sanksiyalar tətbiq etsə də, Rusiya enerji ixracı üçün müxtəlif bölgələrdə, əsasən Asiyada alternativ bazarlarda payını artırmağa çalışır.

G7 və Avropa Birliyi (AB) ölkələrinin dəniz yolu ilə daşınan Rusiya neftinin idxal qadağası və barel üçün 60 dollarlıq qiymət limiti 5 dekabr 2022-ci ildə qüvvəyə minib.

Bu tədbirlərə əsasən, Rusiya nefti üçüncü ölkələrə müəyyən edilmiş qiymətdən yüksək qiymətə satılarsa, G7 və AB ölkələrindəki şirkətlər bu neft üçün nəqliyyat, sığorta və brokerlik kimi müxtəlif xidmətlər göstərə bilməzlər. Bu xidmətlərin göstərilməsi üçün Rusiya nefti qiymət limiti altında satılmalıdır.