.jpg)
7 ayda 11 700 ədəd nəqliyyat vasitəsi idxal olunub - RƏQƏMLƏR
"Kommersant.az" Dövlət Gömrük Komitəsinin hesabatına istinadən xəbər verir ki, nəqliyyat vasitələrinin idxalı ötən ilin eyni dövrü ilə müqayisədə 2,6 dəfə artıb. 2017-ci ilin 7 ayında Azərbaycanda 4 468 ədəd nəqliyyat vasitələri idxal olunmuşdu.
Cari ilin İyul ayında idxal edilmiş cəmi nəqliyyat vasitələrinin sayı 2112 ədəd təşkil edib. İyunda bu say 2294 ədəd olmuşdu. Ötən ilin yanvar-iyul ayları ilə müqayisədə bu ilin yanvar-iyul aylarında minik avtomobillərinin idxalı 3 791 ədəddən 10 402 ədədə qalxıb (2,7 dəfə artım). Cari ilin İyul ayında idxal edilmiş minik avtomobillərinin sayı 1917 ədəd təşkil edib. İyunda bu say 2021 ədəd idi.
2018-ci ilin yanvar-iyul ayları ərzində ölkəyə gətirilmiş avtomobillərin 69 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 10 402 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 1 157 ədədi yük daşımaq üçün motorlu nəqliyyat vasitələri, 72 ədədi isə xüsusi təyinatlı motorlu nəqliyyat vasitələridir.
(c) Marja
Digər xəbərlər
Azərbaycan iqtisadiyyatına xarici investisiya qoyuluşu 36%-ə yaxın artıb
ING 2028-ci ilə qədər Azərbaycanda inflyasiya ilə bağlı proqnozlarını bölüşüb
Dəmir filizi qiymətlərinin artması Çin polad istehsalçılarını çətin vəziyyətdə qoyur
