İrandan gələn yük avtomobilində külli miqdarda narkotik vasitə aşkarlanıb
02.09.2018
İqtisadiyyat
Daxil olan əməliyyat məlumatı əsasında, Ukrayna vətəndaşının idarə etdiyi “DAF” markalı yük nəqliyyat vasitəsi Azərbaycan Respublikasından tranzit keçməklə İran İslam Respublikasından Gürcüstana yüksüz gedərkən Astara gömrük-sərhəd buraxılış məntəqəsində əməliyyatçılar tərəfindən saxlanılıb və əməliyyat məlumatının yoxlanılması məqsədilə nəqliyyat vasitəsi stasionar rentgen qurğusundan keçirilib. Bu zaman yük nəqliyyat vasitəsinin dartıcısının tavan hissəsində dördkünc formalı şübhəli cizgilər müşahidə olunub.
Bu barədə "Kommersant.az"a Dövlət Gömrük Komitəsindən məlumat verilib.
Yoxlama zamanı, dartıcının tavan hissəsində, xüsusi düzəldilmiş yerdə gömrük nəzarətindən gizlədilmiş şəffaf rəngli sellofana bükülü cəmi 40 ədəd yastı dördkünc formalı bağlama aşkar olunub. Sonra həmin bağlamalar açılıb və hər bir bağlamanın içərisində kəskin iyli, tünd qəhvəyi rəngli, narkotik vasitə olan tiryək aşkarlanıb. Qablaşdırılmış bağlamaların ümumi çəkisinin 41 kiloqram 400 qram olduğu müəyyən edilib.
Faktla bağlı araşdırma aparılır.
Digər xəbərlər
29.07.2019
İqtisadiyyat
Bazarda kilosu 70 qəpiyə olan bu məhsulu onlar 8 qəpiyə satırlar - VİDEO
0
0
18.07.2019
İqtisadiyyat
Palata 1 milyard manatdan çox vəsaitin xərclənməsinə nəzarət tədbiri həyata keçirib
0
0
12.07.2019
İqtisadiyyat
Əmək pensiyalarının artırılması Milli Məclisdə son oxunuşda təsdiq edildi
0
0
