Musk qarışıqlıq yaratdı: "WhatsApp-a etibar etmək olmaz!"

Məşhur mesajlaşma tətbiqi WhatsApp-ın mikrofon parametrləri ilə bağlı müzakirələrə Twitter-in sahibi İlon Mask da qatılıb. Mask WhatsApp-ın etibarsız olduğunu iddia edərkən, bir çox istifadəçi tətbiqi sildiklərini açıqladı.

Kommersant.az xəbər verir ki, son zamanların ən populyar mesajlaşma proqramı olan “WhatsApp”ın etibarlılığı dünən axşam saatlarından etibarən sosial medianın ən çox danışılan mövzusudur.

Bir Twitter istifadəçisi WhatsApp-ın proqram aktiv olmadığı halda belə telefonunun mikrofonuna çıxışı olduğunu iddia edib. Twitter-in sahibi İlon Mask da müzakirələrə qoşulub.

Məşhur milyarder İlon Mask istifadəçinin tvitinə “WhatsApp-a etibar etmək olmaz” cavabını verib.

Musk daha sonra Gannon Breslin adlı istifadəçiyə “WhatsApp-ın Meta/Facebook-a aid olduğunu anlamayan bu qədər insanın olması inanılmazdır” deyə cavab verib və WhatsApp qurucularının Facebook-u tərk edərək #deletefacebook-a başladığını xatırladıb.

Qısa müddət sonra yenidən tvit yazan Mask izləyicilərinə “Heç nəyə güvənməyin” mesajı verib.

Narmin Gani

Xəbərin müəllifi

Facebok Twitter LinkedIn

Əvvəlki
Dünya bazarlarında qızıl niyə bahalaşır? - İQTİSADÇI ŞƏRHİ
Sonrakı
Fermerlər məhsullarını sata bilməməkdən şikayət edir - Ekspert səbəbləri açıqlayır

Digər xəbərlər

16.01.2026 Digər