Honq Konqda birdəfəlik plastik qadağa başlayıb

Honq-Konqda ətraf mühitin çirklənməsini azaltmaq üçün birdəfəlik plastik qadağa qüvvəyə minib.

Honq-Konqda birdəfəlik plastik qadağa başlayıb. Honq-Konq Ətraf Mühitin Mühafizəsi Departamentinin rəsmi saytında dərc edilən açıqlamada birdəfəlik plastiklərə qadağanın başladığı bildirilib.

Böyük qida istehsalçısı və istehlakçısı olduğu üçün çoxlu miqdarda plastik və strafor istehlak edilən Honq-Konqda bu sahədə tətbiq edilən qadağanın bu gündən etibarən qüvvədə olacağı qeyd edilib.

Bildirilib ki, yeni qanuna əsasən, çəngəl, bıçaq, saman və boşqab kimi birdəfəlik məhsulların satışı və ya paylanması mümkün deyil, lakin qadağa hələlik paket servisdə istifadə edilən plastik qida qablarına və fincanlara şamil edilmir.

Gələn ildən tətbiqi gözlənilən qadağanın ikinci mərhələsində birdəfəlik plastik məmulatların hamısını, o cümlədən paketləri əhatə edəcəyi vurğulanıb.

Bildirilib ki, keçid dövründə 6 aylıq güzəşt müddəti verilən restoranların əksəriyyəti yeni tədbiri həyata keçirməyə başlayıb.