Elman Nəsirov Türkiyə müxalifətinə səsləndi - "Bu kişilikdən deyil"
Kommersant.az xəbər verir ki, bu sözləri saytımıza açıqlamasında millət vəkili Elman Nəsirov bildirib:
“Özümüzü onu kökləyək ki, Türkiyəni dünyanın güc mərkəzlərindən birinə çevirən, böyük söz sahibi edən cənab Rəcəb Tayyib Ərdoğan seçkilərdə yenidən xalqın əksəriyyətinin səsini qazanıb prezident seçiləcək.
Türkiyədə müxalif partiya və qruplaşmalar çalışırlar ki, dəhşətli zəlzələnin ağır nəticələrindən öz siyasi məqsədləri üçün istifadə etsinlər. Əslində bu hərəkət siyasətdə çox utanç verici hadisədir. Bu fəlakətin nəticələri hər birimizin kədəridir. Onun əsasında xal toplamaq, mövcud hakimiyyəti ittiham etmək, seçilmək və qalib gəlməyə çalışmaq heç kişilikdən deyil. Cənab Ərdoğan özü də qeyd edib ki, 1 il müddətində ağır faciənin dağıntılarını aradan qaldırmağı hədəf seçib və ona da nail olacaq”, – deyə millət vəkili bildirib.
R.T.Ərdoğan kimi lider dünyada çox azdır. Onun dediyi sözlər həyatda öz təsdiqini birmənalı şəkildə tapır. R.T.Ərdoğanı sevməyənlər də etiraf edirlər ki, o, çox xarizmalı bir liderdir.
Türkiyə iqtisadiyyatındakı müəyyən çətinliklər, inflyasiya və digər amillərdən istifadə edən Türkiyə müxalifəti vahid namizədlə çıxış edərək qalib gəlmək istəyir. Mənim proqnozum belədir ki, cənab R.T.Ərdoğan bu dəfə də seçkilərdə qalib gələcək. Düzdür, parlament seçkiləri daha ağır keçəcək amma prezident seçkilərində cənab R.T.Ərdoğan yüksək səslə qalib gələcək".
Digər xəbərlər
