.jpg)
"AMB faiz dərəcələri "hədəfdən" uzaq deyil" - AMB
Kommersant.az xəbər verir ki, Avropa Mərkəzi Bankının (AMB) İdarə Heyətinin üzvü Fabio Panetta Fransanın “Le Monde” qəzetinə verdiyi müsahibədə faiz artımının təsirlərinin real iqtisadiyyata tam şəkildə hiss olunması və sonra inflyasiyaya əks olunması üçün bir neçə rüb lazım olduğunu bildirib.
Fabio Panetta, “Bizim pul siyasətimiz yaxın aylarda hiss olunacaq. Biz daxili tələbin zəif qalacağını və bunun avro zonasında davam edən iqtisadi zəiflikdə və hətta texniki tənəzzüldə özünü göstərəcəyini gözardı edə bilmərik” ifadələrdən istifadə edib.
AMB İdarə Heyətində sərbəst pul siyasətinin tərəfdarları arasında olan Panetta, "İnflyasiya çox yüksəkdir, lakin narahat olmağa dəyməz" dedi.
Fabio Panetta AMB-nin faiz artımlarını tam olaraq bitirmədiyini bildirsə də, faizlərin çox artmayacağına da diqqət çəkib.
"Məncə, indi çox sürətli hərəkət etməyin vaxtı deyil, çünki biz uzun yol qət etmişik. Biz hələ son məqsədə çatmamışıq, lakin ondan çox da uzaqda deyilik", - deyə Panetta bildirib.
Digər xəbərlər
Netanyahu Qətəri hədələyib: “Əgər onları qovmasanız, yenidən zərbə endirəcəyik”
Rutte Putinə sərt mesaj verir: Biz NATO ərazisinin hər qarışını müdafiə edəcəyik
