12.10.2023 Siyasət

0 0

NATO-nun baş katibi Yens Stoltenberq NATO qərargahında keçirilən NATO Müdafiə Nazirləri Toplantısının sonunda jurnalistlərin suallarını cavablandırıb.

HƏMAS-ın İsrailə hücumlarından sonra İsrailin cavabının mütənasib olması lazım olduğunu bildirən Stoltenberqə İsrailin Qəzzaya su, qida və yanacağın kəsdiyi xatırladılıb və bunun mütənasib bir cavab olub-olmaması, əks halda NATO-nun nə edə biləcəyi soruşulub.

Stoltenberq NATO-nun məsələyə birbaşa aidiyyəti olmadığını, lakin bu gün məsələni müzakirə etdiklərini bildirib.

İsrailin müdafiə naziri Yoav Gallantın NATO müdafiə nazirlərinə son vəziyyətlə bağlı brifinq verdiyini bildirən Stoltenberq, şok videolar gördüklərini, buna görə də HƏMAS-ın İsrailə hücumlarını və mülki şəxslərə hücumlarını pislədiklərini bildirib.

İsrailli nazirin brifinq videosunda hansı görüntüləri gördükləri ilə bağlı suala Stoltenberq bildirib ki, görüntülər həftə sonu həyata keçirilən hücumlardan və həyatını itirənlərdən göstərilib.

Stoltenberq həmçinin bildirib ki, İsrailin özünü müdafiə etmək hüququ var, müttəfiqlər HƏMAS-ın götürdüyü girovları azad etməyə çağırıb və İsrailə düşmən olan ölkələr münaqişədən yararlanmağı düşünməməlidir.