ABŞ rəsmisi elan etdi: Baydendən Netanyahuya xəbərdarlıq

İsrailin aprelin 1-də Dəməşqdəki konsulluğun binasına hücumuna cavab olaraq İranın həyata keçirdiyi əməliyyatdan sonra gərginlik bir qədər azalıb. İsrailin “vaxtı gələndə əvəzini onlara ödəyəcəyik” açıqlaması iki ölkə arasında hərtərəfli müharibə ehtimalını “hələlik” bir kənara qoyur. Gərginliyin azaldılmasında ABŞ prezidenti Baydenin rolu olduğu ortaya çıxıb.

Bildirilib ki, ABŞ prezidenti Co Bayden İsrailin baş naziri Benyamin Netanyahuya İranın hücumlarına cavab verməzdən əvvəl “diqqətlə düşünmək” barədə xəbərdarlıq edib.

AA xəbərinə görə; Yüksək rütbəli amerikalı məmur Baydenin Netanyahu ilə telefon danışığı ilə bağlı jurnalistlərə açıqlama verib.

Rəsmi bildirib ki, Bayden görüş zamanı Netanyahuya “gərginliyin artması riskini diqqətlə nəzərdən keçirmək və məsələyə strateji prizmadan yanaşmaq lazımdır” deyib.

Rəsmi qeyd edib ki, İsrail ABŞ-a İranla gərginliyi artırmağı düşünmədiyini açıqlayıb və ABŞ-ın İsrailin mümkün cavab hücumunu dəstəkləməsi ehtimalı ilə bağlı suala cavab olaraq, “onların belə planları yoxdur” deyib.