Ukraynadan Avropaya çağırış: “Rusiyanın aktivlərindən istifadə edilməlidir”

Avropa Şurası Parlament Assambleyası Rusiyanın dondurulmuş aktivlərinin Ukraynanın yenidən qurulmasına dəstək üçün istifadə edilməsinə çağırıb.

Strasburqda keçirilən Avropa Şurası Parlament Assambleyasının (AŞPA) Baş Assambleyasına Rusiya dövlətinin dondurulmuş əmlakına həbs qoyulması və Ukraynanın yenidən qurulmasında istifadə edilməsi təklifi qəbul edilib.

Təklifdə qərarın “Ukraynanı gücləndirəcəyi və gələcəkdə Rusiyanın digər mümkün hücumlarına qarşı çəkindirici rol oynayacağı” və itkiyə səbəb olan hərəkətləri nəticəsində Rusiyanın beynəlxalq hüquq prinsiplərinə uyğun olaraq təzminat ödəməyə borclu olduğu bildirilib.

AŞPA “beynəlxalq kompensasiya mexanizmi”, Avropa Şurasının üzvü olan və ya olmayan dövlətlərin əlində olan bütün Rusiya dövlət aktivlərinin depozitə veriləcəyi “beynəlxalq trast fondu” və “qərəzsiz və effektiv qurum” təklif edib. Ukrayna və Rusiyanın hücumlarından təsirlənən təşkilatların təqdim etdiyi müraciətlər əsasında "beynəlxalq tələb komissiyası"nın yaradılması təklif edilib.

Təklifdə Rusiyanın Ukrayna iqtisadiyyatına və infrastrukturuna etdiyi hücumların 2023-cü ilin iyun ayı etibarilə təqribən 416 milyard dollar olduğu və hazırda müxtəlif ölkələr tərəfindən dondurulan Rusiyanın təxminən 300 milyard dollarlıq maliyyə aktivlərinin istifadəyə verilməsi lazım olduğu ifadə edilib.