01.05.2025 Siyasət

0 0

Teslanın direktorlar şurası şirkətin satışlarının azalması və Trampla sıx əlaqələri ilə bağlı tənqid hədəfinə çevrilən İlon Maskın yerinə yeni baş direktor axtardıqları ilə bağlı iddialara cavab verib.

Sözügedən iddia ötən gecə Wall Street Journal tərəfindən dərc edilən hesabatda yer almışdı və Tesla rəhbərliyinin təxminən bir ay əvvəl İlon Maskın yerinə bir ad tapmaq üçün danışıqlara başladığı iddia edildi.

İdarə Heyətinin sədri Robyn Denholm Tesla-nın rəsmi X hesabında bir yazı ilə iddialara cavab verdi.

O, ittihamları rədd edib: “Bu, tamamilə yalandır”

Denholm açıqlamasında Maskın yerinə yeni CEO axtarmadıqlarını və idarə heyətinin Musk-a güvəndiyini bildirib.

Denholm bu gün səhər tezdən Teslanın rəsmi X hesabında aşağıdakı bəyanatı verdi:

“Bu gün səhər saatlarında Tesla İdarə Heyətinin şirkətdə CEO axtarışına başlamaq üçün işə götürən şirkətlərlə əlaqə saxladığını iddia edən səhv media xəbəri yayıldı. Bu tamamilə yanlışdır.

Tesla-nın CEO-su Elon Muskdır və Direktorlar Şurası Maskın qarşıdakı həyəcanverici böyümə planını icra etməyə davam etmək qabiliyyətinə hədsiz inanır”.

Teslanın mənfəəti və səhmləri kəskin şəkildə azalıb

Tesla 22 aprel 2025-ci ilin yanvar-mart dövrü üçün balans hesabatını açıqladı. Buna görə şirkətin birinci rüb mənfəəti keçən ilin eyni dövrü ilə müqayisədə yüzdə 71 azalaraq 409 milyon dollara düşüb.

Beləliklə, Tesla dünyanın ən böyük elektrik avtomobil istehsalçısı titulunu Çinli rəqibi BYD-yə itirdi.

Tesla 2025-ci ilin birinci rübündə dünya üzrə 362 615 avtomobil istehsal edib və 336 681 avtomobil təhvil verib. Şirkətin avtomobil istehsalı bu dövrdə illik bazda yüzdə 16,3, təslim edilən avtomobillərin sayı isə təxminən yüzdə 13 azalıb.

Şirkətin səhmləri ilin əvvəlindən 30 faiz ucuzlaşıb və bazar dəyərini 800 milyard dollardan çox itirib.