Rusiya naziri Lavrov amerikalı həmkarı Rubio ilə telefon danışığı aparıb
Rusiya Xarici İşlər Nazirliyi Lavrovun amerikalı həmkarı Rubio ilə telefon danışığı apardığını açıqlayıb.
Açıqlamada görüşdə Ukrayna məsələsinin müzakirə edildiyi, Rubionun Bryansk və Kursk vilayətlərində dəmir yolu infrastrukturuna edilən bombalı hücumların qurbanları üçün Lavrova başsağlığı verdiyi bildirilib.
Açıqlamada hücumlarla bağlı aparılan araşdırmanın nəticələrinin çox yaxında açıqlanacağı, partlayışlara görə məsuliyyət daşıyanların mütləq üzə çıxarılacağı və layiq olduqları cəzanı alacağı qeyd edilib.
Bəyanatda həmçinin qeyd olunub ki, Lavrov və Rubio İstanbulda birbaşa Rusiya-Ukrayna danışıqlarının bərpası planlarını müzakirə ediblər.
Rusiyanın Bryansk vilayətində avtomobil körpüsünün hərəkətdə olan sərnişin qatarının üzərinə uçması nəticəsində 7 nəfər ölüb, 71 nəfər yaralanıb.
Digər xəbərlər
İddia: ABŞ İrana müəyyən müddət ərzində aşağı səviyyəli uranı zənginləşdirməyə icazə verəcək
.jpg)
İngiltərədən Türkiyəyə səyahət xəbərdarlığı: 4 kritik məsələyə diqqət yetirin
