“Bank VTB”nin yığdığı depozitlərin həcmi 2022-ci ilin son rübü ilə müqayisədə 10 milyon 218 min manat azalıb. Bu azalmada fiziki şəxslərin depozitlərinin payı 80.7 faiz olub.
Kommersant.az xəbər verir ki, fiziki şəxslər bankdakı əmanətlərinin 8 milyon 247 min manatını və ya 12.92 faizini geri çəkərək sözügedən əmanətlərin həcmini 55 milyon 546 min manata endirib. Şirkətlər isə bankdakı əmanətlərinin 1 milyon 971 min manatını və ya 6.34 faizini geri çəkərək əmanətlərin həcmini 29 milyon 87 min manata salıb. Nəticədə bankın öhdəliklər cəmi 10 milyon 218 min manat və ya 6.4 faiz azalaraq 148 milyon 133 min mananta düşüb.