Azərbaycanda ötən ay mənzillərin kirayəsi bahalaşıb

08.06.2018 Statistika
Azərbaycanda mənzillərin orta aylıq kirayə haqqı may ayında artmağa başlayıb.

"Kommersant" bu barədə Dövlət Statistika Komitəsinə istinadən xəbər verir.

Rəsmi statistikaya əsasən, mayda mənzillərin orta aylıq kirayə haqqı əvvəlki ayla müqayisədə 0,4% artıb. Mayda orta aylıq xidmət haqqı 95,72 manat təşkil edib.

Xatırladaq ki, 2018-ci ilin yanvar ayında xidmət haqqı 0,1% bahalaşsa da, fevral-mart ayları ərzində qiymət sabit qalıb, daha sonra aprel ayında isə 0,2% ucuzlaşma qeydə alınıb.