.png)
Taksi sürücülərinin reytinqi sistemi tətbiq ediləcək
Bunu Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin rəisi Həbib Həsənov "Avtomobil Nəqliyyatı-Yeni Tənzimləmə Konsepsiyası" mövzusunda keçirilən konfransda çıxışı zamanı bildirib.
Onun sözlərinə görə, çağrı sisteminin təkmilləşdirilməsi məqsədilə proqram təminatı hazırlanır, tezliklə müştərilərin istifadəsinə veriləcək.
"Eyni zamanda, taksi sürücülərinin davranışlarında rast gəlinən bəzi xoşagəlməz halların tam aradan qaldırılması məqsədilə kompleks tədbirlər görüləcək. Bu tədbirlərə sürücülərin reytinqinin aparılması, reytinqi yüksək olan sürücülərə qarşı həvəsləndirmə tədbirlərinin görülməsi, müştəri məmnuniyyətinin qiymətləndirilməsi, sürücülərin fəaliyyətinə nəzarət sisteminin təkmilləşdirilməsi və sair daxil olacaq ",- deyə H.Həsənov vurğulayıb.
APA
Digər xəbərlər
.jpg)
