Trumpdan Apple şirkətinə “iPhone zəmanəti”

20.06.2018 Dünya
ABŞ mediasında yer alan xəbərlərə görə, istehsal məsrəflərini azaltmaq üçün məhsullarını Çində istehsal edən “Apple” Donald Trumpdan Çin və ABŞ arasındakı ticarət savaşlarından təsirlənməyəcəyinə dair zəmanət alıb

“Kommersant” xəbər verir ki, ABŞ və Çinin bir-birinə qarşı tətbiq etdiyi sanksiyalardan sonra Çində istehsal olunan “Apple” telefonlarının ABŞ sərhəddinə girərkən tətbiq edilən yeni vergilərlə qarşılaşması və buna görə də qiymətlərdə müəyyən artımın olacağı düşüncəsi hər kəsi narahat edir. Narahatlıqlara son qoyan Donald Trump bu savaşdan “iPhone” telefonlarının zərərsiz çıxacağı zəmanətini verib.

Qeyd edək ki, xalq arasında Çindəi fabrikləri olaraq tanınan “iPhone City” fabriki hər iki “iPhone” modelindən birinin istehsalçısıdır. Şirkətdə hər gün təqribən 500 min “iPhone” istehsal edilir və deyilənə görə, müəssisədə iş rejimi həddindən artıq gərgindir.